Axel Scheffler

Axel Scheffler (nacido en 1957) é un ilustrador e animador de orixe alemana que vive en Londres. É moi coñecido polas súas ilustracións, tanto en libros infantís como películas de animación especialmente O Grúfalo e A filla do Grúfalo, escritos por Julia Donaldson.

Scheffler naceu en Hamburgo e trasladouse a Inglaterra en 1982 aos 25 anos. Estudou na Bath Academy of Art e traballou en publicidade e publicacións despois de se formar en 1985. É moi coñecido polas súas ilustracións distintivas para os autores de libros infantís de Gran Bretaña, Alemaña e Holanda, incluíndo, ademais de Julia Donaldson, Jon Blake, Paul Shipton, David Henry Wilson, Uwe Timm, Paul van Loon e Toon Tellegen. Vive en Blackheath, Londres.

https://axelscheffler.com/